Friday, April 29, 2011

THOR - Movie Review


فلم ثور احد سلسلة أفلام marvel superheroes والي راح يسوون بالأخير Avenger الي راح يكون بينهم Ironman , Captain America and Wolverine وفي بعض الهيرو ما أعلنوا مارفل رسمي ليلحين ، طبعا لاتتوقع من الفلم أكشن حتى الموت لا مثل ما قلت مارفل مخططه لي جدام انها تسوي Avenger فهالأفلام عباره عن تعريف للهيرو وشنو بداياته وقصته .

الفلم يبدي بعالم اسمه Asgard ملكهم اهوا ابو ثور واخوه لوكي ، تكون هالمدينه في حرب ويا جاينت آيس الي ياخذون قوتهم من شي مكعب (نسيت اسمه) والملك يقتلهم وبعدين ياخذ المكعب ويترك ملكهم بحاله على انه مايهجم عليهم وينهون الحرب ، بعد فتره الملك يكبر ويختار ثور يكون الملك بس تعترض طريج مراسم الملك رجال من جاينت آيس ، ويعصب ثور ويصر انه يهاجمهم ويبيدهم وابوه يعترض طريجه ويعصب عليه وعلى طريقته بالانفعال ويقرر تأجيل قرار انه يكون ملك ، وتبدي الأحداث ويخالف ثور ابوه ويهاجمهم اهو ويا ربعه وهذي يمكن أحلى معركه ، وابوه ينفيه الى الأرض ، المشكله اني ماني ملم بقصة ثور وايد قاري منها بعض الأجزاء بس فيه أشياء وااايد اشك انها موجوده بالقصه وخاصه الي حبها من الأرض انا اذكر انها كانت ممرضه ، بس الفلم حلو وايد فيه اكشن وكوميديا حلوه الممثل طبعا ماله أفلام قويه وايد يمكن أكثر الناس مايعرفونه بس يصلح على شكل ثور ، بالنهايه لازم تشوف الفلم اذا كنت من محبي شخصيات مارفل عشان يكون عندك معرفه بماضي السوبر هيرو.

تقييمي للفلم : 10/8



1 comment:

  1. الفيلم حلو .. والجرافيكس أحليى وبخصوص الممثل هذا النسخة الأمريكية من ممثل تركي يدعى مهند :)

    ReplyDelete