Saturday, April 16, 2011

Red Riding Hood Movie - Review


أمس دشيت السينما مع شباب لفيلم Red Riding Hood كنت الصراحه انطره من زمان بعد ماشفت الدعايه هذي :


الفلم من اخراج Catherine Hardwicke اهي نفس مخرجة فلم Twilight الجزء الأول يعني لازم تتوقع بالفلم دراما بين الوحوش وأشياء غريبة المهم الفلم عن قرية بجبل وكل شهر لما يكتمل القمر يطلع لهم المستئذب ((werewolf واول الفلم يذبح اخت بطلة الفلم فيقررون القرية انه يذبحونه وتصير الأحداث وآخر شي يطلع اهو من قريتهم وفجأه يدخلون ليلة والذيب بالسالفه يعني ماتدري هذا الفلم اهو قصدهم فيه ليلة والذيب ولا شي ثاني بس القصة من أولها ما أعتقد انه ليلة والذيب كلنا حافظينها واحنا اصغار بس شدني آخر الفلم يخلون المستئذب يحب البطلة اظاهر المخرجة تحب هالسوالف الفلم بشكل عام تقدر تشوفة بس مايشد وصاحبي طول الفلم يتثاوب وأعطيه 5/2.


8 comments:

  1. لووول حدها المخرجة خارتها بآخر الفيلم

    ReplyDelete
  2. المشكله ما ادري ليش شدتني الدعايه ورايح متحمس بس حاولت اقص على نفسي لكن الفلم سيء

    ReplyDelete
  3. عاد تصدق من يوم ما دريت إنه المخرجة مالت توايلايت غسلت إيدي

    من كثر ما أكره هذاك الفيلم

    وهمن بعد هالممثلة تنرفزني

    أم عيون مبققه

    ReplyDelete
  4. لووول انه يوم دريت انها نفس المخرجه قلت اكيد فيه حب وحوش وتبي تتحول بس اهو موراضي وهالسوالف الي صج غثتنا في توايلايت

    ReplyDelete
  5. لووووول

    وتتذكر شلون كانو الذيابه أكس لارج في توايلايت؟

    مصخره الفيلم

    ReplyDelete
  6. لوووووول قريبه اول بنت اشوف مو عاجبها توايلايت حدي طاقتني البوهه

    ReplyDelete
  7. أمبيه أكرهه الفيلم

    كره اليهد

    وكانت عندي الكتب بس من يوم ما سوو الفيلم لاعت جبدي وتبرعت فيهم كلهم.. ال4 أجزاء

    ReplyDelete
  8. لوووووول عسى بس تبرعتي فيهم حق جهة خيريه انا بالدوام وحده جدامي قاريه الكتب وكل جزء تنطره

    ReplyDelete